Bilduma online eta irudien salmenta

Villerville toki erakargarria zen aire libreko pintura gustuko zuten artista guztientzat. Bertan egin zuten lan, Haesen garaian, besteak beste, Boudinek, Daubignyk, Troyonek eta Monetek berak. Zirriborro txiki hau Villervilleko hondartza luzeko hareatza hezean egin zuen autoreak, egun goibel batean. Konposizio horizontala da, bi banda kromatikotan egituratua, eta banda horiek ia soilik okreen eta grisen mailaketan daude oinarrituta. Beheko aldean pigmentu ilunez egindako lerro diagonala du gidari, eta lerro horrek ezkerretara irekitzen du espazioa. Hareatzaren okre koloreko gainazalak kontrastea egiten du pintzelkadaren mugimendu bizi, sutsu eta motzarekin. Hain zuzen ere, pintzelkada horrek putzuetan islatzen diren argi-puntuak erakusten ditu. Zenbait emakumezkoren figurak ikus daitezke putzu horietan, sedimentazio-itsaskiak bildu nahian. Emakume itsaskilarien ondoan, oholesi baten hondarrak ageri dira; hondarrok denboraren joanaren eta eremu hartako aspaldiko arrantza-tresnetako baten -guideaux direlakoen- lekuko mutu dira. Arrantzarako sistema horretan, zenbait enbor sartzen ziren hondarretan, lerrokatuta, eta enborren artean sareak josten zituzten, itsasbehera etortzen zenean arrainak sareetan gera zitezen.

Beraren sorterriko paisaiagintza-tradizio sakonari eta aire libreko pintura deskubritu izanari esker, Haes XIX. mendearen bigarren erdiko paisaia-pintorerik garrantzitsuenetakoa izan zen. Madrilgo San Fernandoko Arte Ederren Eskolan irakasle ibili zen, eta hainbat dizipulurengan izan zuen eragina -Aureliano Beruete, Jaime Morera eta Dario Regoyos pintoreengan, besteak beste-, eta Espainiako pinturan paisaia-generoa eguneratzen lagundu zuen. (Ana Gutiérrez Márquez)

Bibliografia hautatuta

• Lasterra, Crisanto de. Museo de Bellas Artes de Bilbao : catálogo descriptivo : sección de arte antiguo. Bilbao, Museo de Bellas Artes de Bilbao, 1969. p. 57, n° cat. 122. (Con el título 'Playa de Normandía', y atribuido a Carlos de Haes)
• De Ingres a Cézanne : el siglo XIX en la colección del Petit Palais [Cat. exp.]. Bilbao, Museo de Bellas Artes de Bilbao, 2004. p. 42, fig. 13. (Con el título Playa de Normandía. Viderville)
• Museo de Bellas Artes de Bilbao : guía. Bilbao, Bilboko Arte Ederren Museoa-Museo de Bellas Artes de Bilbao, 2006. p. 100. (Con el título Playa de Villerville. Normandía)
• Musée des Beaux Arts de Bilbao : guide. Bilbao, Bilboko Arte Ederren Museoa-Museo de Bellas Artes de Bilbao, 2006. p. 100.
• Bilbao Fine Arts Museum : guide. Bilbao, Bilboko Arte Ederren Museoa-Museo de Bellas Artes de Bilbao, 2006. p. 100.
• De Goya a Gauguin : el siglo XIX en el Museo de Bellas Artes de Bilbao [Cat. exp.]. Salamanca, Caja Duero, 2006. pp. 106-107, n° cat. 20. (Con el título Playa de Villerville. Normandía)
• De Goya a Gauguin : el siglo XIX en el Museo de Bellas Artes de Bilbao [Cat. exp.]. Valencia, Caja Duero, 2006. pp. 106-107, n° cat. 20. (Con el título Playa de Villerville. Normandía)
• De Goya a Gauguin : el siglo XIX en el Museo de Bellas Artes de Bilbao [Cat. exp.]. Salamanca, Caja Duero, 2007. pp. 106-107, n° cat. 20. (Con el título Playa de Villerville. Normandía)
• De Goya a Gauguin : el siglo XIX en el Museo de Bellas Artes de Bilbao [Cat. exp.]. Bilbao, Museo de Bellas Artes de Bilbao, 2008. pp. 207-209, n° cat. 29. (Con el título Playa de Villerville. Normandía)
• Museo de Bellas Artes de Bilbao : guía. Bilbao, Bilboko Arte Ederren Museoa-Museo de Bellas Artes de Bilbao, 2011. p. 100, n° cat. 69.
• Bilboko Arte Ederren Museoa : gida. Bilbao, Bilboko Arte Ederren Museoa-Museo de Bellas Artes de Bilbao, 2012. p. 100, n° cat. 69.
• Musée des Beaux Arts de Bilbao : guide. Bilbao, Bilboko Arte Ederren Museoa-Museo de Bellas Artes de Bilbao, 2014. p. 100.
• Bilbao Fine Arts Museum : guide. Bilbao, Bilboko Arte Ederren Museoa-Museo de Bellas Artes de Bilbao, 2014. p. 100.