Berriak
27-01-12
Museoak Addenda 1 aurkeztu du
Bilboko Arte Ederren Museoko Antzinako Brontzeak. Taramona-Basabe bilduma
Gure museoan dauden brontzezko antzinako 96 figurek bilduma berezienetakoa osatzen dute. Bilduma Manuel Taramonaren alargun Mercedes Basabe y Cotoner andreak eman zuen dohaintzan 1942an, senarraren nahia betez. 2011n, eta argitaratutako Buletinaren lehenengo 5 zenbakietan sartutako lehenengo 30 artikuluen ondoren, museoak lehenengo Addenda argitaratu du. Duten luzera eta zabaleragatik artikulu bakar batean aztertu ezin daitezkeen bildumen azterketa monografikorako tresna gisa sortu da Addenda. Oraingo honetan, Sevillako Unibertsitateko katedradun eta arkeologo ospetsua den Ramón Corzo irakasleak aztertu ditu brontzeak, sakontasun eta zorroztasun bikaineko lan batean.