Berriak
13-05-16
Iberdrola Bilboko Arte Ederren Museoa 2016-2017 Beka III Deialdia
Iberdrola Fundazioak eta Bilboko Arte Ederren Museoak, artelanen kontserbazioaren eta zaharberritzearen arloan prestakuntza bultzatzeko eta ikerketa sustatzeko helburuarekin, Kontserbazio eta Zaharberritze Sailean prestakuntza beka bat emateko lehiaketa deitu dute. Bekaren xedea honakoa da:
• Gazteen laneratzea sustatzea, ikaslea testuinguru profesionalera hurbilaraziz.
• Jarduera museistikoetan prestakuntza eta esperientzia handitzea, museoaren funtzio sozialaren alde eginez.
• Ikerketarako gaitasunak sustatzea, ikuspuntu zientifikotik.
• Kontserbazioaren eta zaharberritzearen arloan, berariazko ezagutzak eta trebetasun teknikoak garatu eta indartzea.
• Tituludunei beka bat gauzatzeko aukera eskaintzea; bertan, egungo irizpideak eta museoko jardueren metodologia aplikatuko dira.