The online collection and picture sale

Lan hau konposiziorik zabalenetako bat da (225 cm-ko garaiera du), eta, era berean, obrarik dramatiko eta adierazgarrienetako bat da. Goialdean duen hiruhortzekoaren bitartez lortzen du hori, ematen baitu antzinako beldurrik irrazionalenak islatu nahi dituela. Adakera erraldoi baten gisa, animalia hau oso narratiboa da. Egitura argalduta dago, nabarmenduta, eta, hala, erliebea zizelkatzeko aukera guztiak eskaintzen ditu, betiere, marrazkiak oinarritzat hartuta. Erdiko atalean ibilaldi abstraktu eta irudizko bat dago grabatuta. Enborra pinturaren euskarritik edo mihisetik hurbil dago. Egiturak eta lirismoak bat egiten dute hemen, eta horrek kutsu figuratiboa (abstrakzioa ere baduena) ematen dio serie osoari. Eskultura hau aurretikoa da, eta estetika purista edo arrazionalistarekin antzekotasun gutxien duen lanetako bat da. Estilistika aldetik, Akelarre eta Amalu Zanko eskulturekin batu dezakegu.

Eskematismoak elkartze hau lortzen du obra honetan: forma eta adierazpena batu egiten dira gorputz berean. Ama Lur filmean herri-irudi bat agertzen da, hain zuzen, deabru gorri bat, inauteriko erritualean arrastaka eramanda. Beharbada, Intxixu izango da. [Peio Aguirre]

Selected bibliography

• Amón, Santiago. "Néstor Basterretxea", Nueva Forma, n° 94. 1973. p. 62.
• Nestor Basterretxea : Euskal Serie Kosmogonikoa = Serie Cosmogónica Vasca [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2008. pp. 76-79, sin n° cat.
• Reguera, Galder. "Centenario del Museo de Bellas Artes de Bilbao", Arketypo : revista de arte, arquitectura y diseño vasco, n° 13. 2009. p. 143.
• Basterretxea [Cat. exp.]. Bayonne, Musée Basque et de l'histoire de Bayonne, 2010. pp. 18-19, 124, n° cat. 18.
• Guide Basque Artists. Bilbao, Bilbao Fine Arts Museum, 2012. p. 128, n° cat. 70.
• Viar, Javier. Historia del arte vasco : de la Guerra Civil a nuestros días, 1936-2016. Bilbao, Bilboko Arte Ederren Museoa-Museo de Bellas Artes de Bilbao, 2017. pp. 143-147.