Arte japonés y japonismo. Museo de Bellas Artes de Bilbao

José Palaciok 1925 eta 1932. urteen bitartean osatutako ekialdeko artearen bilduma Bilboko Arte Ederren Museoaren funtsetan dago 1953. urteaz geroztik, haren oinordeko María de Arechavaletak utzi zuenetik, hain zuzen ere. Haren baitan hirurehun lan baino gehiago daude, eta, horietatik, 221 japoniar artearen sailekoak dira, Edo aldikoak bereziki, hau da, XVIII. eta XIX. mendeen artekoak: margolanak, estanpak, Europako tsuba bilduma onenetako bat (japoniar sablearen eskubabesa), inró (kimonoaren gerrikotik zintzilika egon ohi den kutxatxoa, hainbat konpartimenduz osatua), suzuribako (idazketa kutxa), namban objektuak eta tearen zeremoniarako zeramika. Bilduma hori interesgarria da objektu horien kalitate formal eta artistikoagatik, baina baita ohiz kanpokoak direlako ere, izan ere, Euskal Herrian era horretako objektu gutxi daude.