“Zubietako Goyak” Hitzaldiak

1780ko hamarkadaren amaieran, Francisco de Goyak Antonio Adán de Yarzaren, María Ramona de Barbachano emaztearen eta Bernarda Tavira amaren erretratuak pintatu zituen; Bizkaiko familia goren bateko kideak ziren hirurak. Erretratuak familia-etxean, Ispasterko (Bizkaia) Zubieta jauregian, egon ziren, Gerra Zibila piztu zen arte. Orduan, Euzkadiko Gobernuak jaso egin zituen, eta Parisera bidali, beste bilduma batzuekin batera, 1937ko Erakusketa Unibertsalean parte har zezaten.

Hiru margoak ez ziren inoiz ikusgai jarri, eta legezko jabeari, María Adán de Yarzari, itzuli zitzaizkion; izan ere, Frantzian zegoen erbesteratuta. Leinu honen oinordekoek orain arte gorde dituzte margoak, baita horiek Baionara garraiatzeko fabrikatutako 10. zenbakidun kutxa ere. 80 urte geroago, Zubietako Goyak erbestetik itzuli dira, eta azterketa eta zaharberritze lanen ondoren, orain lehenengoz aurkezten dira komunitate zientifikoaren eta publiko orokorraren aurrean.

HITZALDIAK