Uda museoan

IRUDI HARRIGARRIA - 5 eta 7 urte bitarteko umeentzako tailerrak

 

Bilboko Arte Ederren Museoak sormen plastikoko ikastaro bat antolatu du umeentzat, helduen konpainiarik gabe. Haurrek arretaz begiratuko diote irudi handi bati; irudiak enigma bat ezkutatzen du, eta enigma horren esanahia pixkanaka argituko dute, astean zehar. Enigmari emango dioten konponbidea eraikitzeko tresna harrigarriak izango dituzte eskura: euren marrazkian "sartzeko" aukera izatea, kartoizko kutxekin jolastu eta sortze-lanak egitea, komikietako pertsonaiak, paper-biribilkiak, argazkiak, mozorroak, arrabolak, pintura…

Jardueraz gozatzeko, bi talde osatuko dira eta biak elebidunak (gaztelania-euskara) izango dira.

• Egunak: ekaineko azken astea, ekainaren 26tik (astelehena) ekainaren 30era (ostirala)

• Ordutegia: 09:30etatik 13:30etara (09:00etan sartu eta 14:00etan irteteko aukerarekin)

• Prezioa: 65 € Museoaren Lagunak / 70 € jendea, oro har

Izena emateko: 94 439 61 37 zenbakian (astelehenetik ostiralera, 09:00etatik 14:00etara) edo visitantes@museobilbao.com helbidearen bidez.