Torii arkuak Bilbon

Japoniar artea eta japonismoa

Herederos de Rowan konpainiak Japoniar artea eta japonismoa erakusketarako diseinatu duen publizitate-kanpaina hiri-marketineko elementu harrigarri batekin hasten da: bi torii, Estudios Durero etxeak eraikitakoak.

Hain zuzen ere, torii horietako bat Bilboko Kale Nagusian dago, erakusketaren babeslea den BBK Fundazioaren egoitza nagusiaren ondoan, eta bestea, berriz, Bilboko Arte Ederren Museoko lehengo sarreraren parean.

Toriia zortearen eta oparotasunaren sinboloa da Japoniako kultura tradizionalean; bi zutabez osatutako arkua da, eta zutabeek, halaber, bi langet paralelori eusten diete. Sarri askotan, santutegien sarreran egoten da, eta tonu bermiloiz egoten da koloreztatuta.