Bilduma online eta irudien salmenta

Mogrobejok Bilbon, sorterrian, egin zituen arteko lehen ikasketak, baina, eskultore gisa, Parisen -han bizi izan zen 1894 eta 1897 bitartean- eta Italian trebatu zen. 1902an bidaiatu zuen lehen aldiz Italiara, Bizkaiko Foru Aldundiaren pentsiodun gisa, eta Erroman eta, gero, Florentzian jardun zuen. Hiri horiek ez ezik, ordea, haren biografian badira beste hiri aipagarri batzuk, lan egonaldi luzeak egin baitzituen haietan, hala nola, Bartzelona, Graz (Austria) eta Munichen, zeinetan erakarri zuen bezeria burgesaren arreta eta landu zituen hainbat erretratu eta neurri txikiko irudi apaingarri.

Juan de la Encinaren arabera, Erroman modelatu zuen Mogrobejok Risveglio (Itzartzea), 1903aren hasieran. Hura izan zen Mogrobejoren gorputz osoko lehen eskultura, eta urte hartan aurkeztu zuen Bilbon, pentsiodun gisa egindako lehen urtearen emaitza gisa; ohorezko kalifikazioa eman zion obra aztertu zuen epaimahaiak. Proportzio naturalekiko gizonezko irudi biluzi hau, Rodinen Brontze aroa eskulturan (1877) «nagiak ateratzen ageri den gizona» eredu bide duena, eskultoreak Italiako egonaldian egindako aurrerapenen erakusgarri bikaina da, beraz.

Obra aurkeztu eta urtebetera, Madrilen egindako Arte Ederren Erakusketa Nazionalean parte hartu zuen igeltsuak; Eugeni d'Ors idazlearen arreta erakarri zuen, Ramiro de Maezturekin erakusketara bisita egin zuelarik, eta 1907an Aldundiak eskuratu zuen, pentsioei buruzko arautegiak ezarri bezala. Harrezkero, lanbidearen zailtasunen eta onarpenik ezaren ikur bihurtuz joan zen eskultura hura bertako komunitate artistikoarentzat. Hala, 1908an esaterako, Juan de la Encinak protesta-ohar suhar bat idatzi zuen, Probintzia Jauregiko eraikinean oso kontserbazio egoera kaskarrean zeukatela salatuz.

Risveglio Mogrobejoren obra ospetsuenetakoa da. Hala ere, ez zuten bihurtu brontzezko pieza 1912ra arte -egilea ordurako hilik zela-, Bartzelonako Morales Fundizioan. Sáenz de Gorbearen arabera, Quintín de Torre eskultorea arduratu zen lanak ikuskatzeaz eta jatorrizko igeltsua osatzeaz, eskuin eskuko hatzak falta baitzituen. Egile berak dioenez, pieza Bilbora iritsi zenean, Mario Camiña udal arkitektoak Probintzia Jauregian ezar zezaten eskatu zuen, eta obraren igeltsua akats askorekin itzuli zuen fundizioak (besoak moztuta, hatzik gabe, hanka bat hautsita). Quintín de Torrek berriro pieza zaharberritu, eta patina bat gehitu zion, 1914ko Eibarko Arte Erakusketa Erregionalean (Gipuzkoa) erakusgai jartzeko. Igeltsua ere museoaren bildumaren parte da (82/2536 inb. zenb.). (Miriam Alzuri)

Bibliografia hautatuta

• Enciclopedia Universal Ilustrada Europeo-Americana. Madrid, Espasa Calpe, 1918. vol. XXXV, p. 1308.
• d'Ors, Eugenio. La Pintura Vasca 1909-1919 : antología. Bilbao, Biblioteca de Amigos del Pais, 1919. pp. 79-81.
• Abril, Manuel. La escultura : historia del arte en todos los tiempos y pueblos. Madrid, Saturnino Calleja, 1925. vol. VI, p. 682.
• Plasencia, Antonio. Catálogo de las obras de pintura y escultura del Museo de Bellas Artes de Bilbao. Bilbao, Imprenta Provincial, 1932. p. 43, n° cat. 164. (Con el título Risveglio, y atribuido a Nemesio Mogrovejo)
• Jiménez-Placer, Fernando. La pintura y la escultura españolas de la segunda mitad del siglo XIX. 1944. p. 231.
• Flores Kaperotxipi, Mauricio. Arte vasco : pintura, escultura, dibujo y grabado. Buenos Aires, Ekin, 1954. s. p., il.
• Angulo Íñiguez, Diego. Pintura del renacimiento. Madrid, Plus Ultra, 1954. pp. 62-63, il.
• Gaya Nuño, Juan Antonio. Escultura española contemporánea. Madrid, Guadarrama, 1957. p. 33.
• Nemesio Mogrobejo, 1875-1910 : su vida y sus obra. Zalla, La Gran Enciclopedia Vasca, 1972. p. 297.
• Pintores y escultores vascos de ayer, hoy y mañana. Bilbao, La Gran Enciclopedia Vasca, 1975. p. 268.
• Pintores y escultores vascos de ayer, hoy y mañana : Mogrobejo visto por Juan de la Encina. Bilbao, La Gran Enciclopedia Vasca, vol. IX, 1975. pp. 286-290.
• Lázaro Uriarte, Luis de. Algunas insinuaciones críticas en el primer centenario de Mogrobejo. Bilbao, La Gran Enciclopedia Vasca, 1975. pp. 323-324.
• Marín-Medina, José. La escultura española contemporánea, 1800-1978 : historia y evaluación crítica. Madrid, Edarcón, 1978. p. 76.
• Bengoechea, Javier de. Catálogo de arte moderno y contemporáneo del Museo de Bellas Artes de Bilbao. Bilbao, Banco de Vizcaya, 1980. p. 149. (Con el título Ris Veglis).
• Marrodán, Mario Ángel. La escultura Vasca. Bilbao, La Gran Enciclopedia Vasca, 1980. p. 103.
• Encina, Juan de la. La trama del arte vasco y selección de artículos publicados en Hermes. Madrid, Espasa Calpe, 1981. p. 209.
• Sáenz de Gorbea, Xabier. La escultura Vasca, 1889-1939 [Cat. exp.]. Bilbao, Banco de Bilbao, 1984. p. 25.
• Diccionario Enciclopédico del Pais Vasco. San Sebastián, Auñamendi, 1985. vol. VII, p. 14.
• Alix, Josefina. Escultura española : 1900-1936. Madrid, Ministerio de Cultura, 1985. pp. 44-45, 276.
• Mur Pastor, Pilar. La Asociación de Artistas Vascos. Bilbao, Museo de Bellas Artes de Bilbao ; Caja de Ahoros Vizcaína, 1985. p. 15.
• Arenaza Urrutia, José María. Nemesio Mogrobejo. Bilbao, Caja de Ahorros Vizcaína, 1988. pp. 23-24, 29.
• Nosotros los vascos : arte IV : del neoclasicismo a las tendencias modernas del arte. Donostia-San Sebastián, Lur, 1989. p. 306.
• Nosotros los vascos : arte IV : del neoclasicismo a las tendencias modernas del arte. Bilbao, Lur, 1989. pp. 305, 361.
• Enciclopedia General Ilustrada del Pais Vasco. San Sebastian, Auñamendi, 1990. vol. XXVIII, pp. 534-536.
• Actas literarias sobre el Arte Vasco con motivo de la exposición Internacional de 1919 celebrada en Bilbao. Bilbao, Laida, 1991. p. 64.
• Artistas vascos en Roma : 1865-1915 [Cat. exp.]. Donostia-San Sebastián, Kutxa Gizarte eta Kultur Fundazioa = Fundación Social y Cultural Kutxa, 1995. pp. 433, 644-645, n° cat. 74.
• La mirada del 98 : arte y literatura en la Edad de Plata [Cat. exp.]. Madrid, Ministerio de Educación y Cultura, 1998. p. 197.
• Zugaza, Miguel ... [et al.]. Maestros antiguos y modernos en las colecciones del Museo de Bellas Artes de Bilbao. Bilbao, Museo de Bellas Artes de Bilbao, 2001. p. 172.
• Fundiarte : el arte en la fundición = Galdeartea : artea galdategian. Bilbao, Federación Española Asociaciones Fundidores, 2005.
• De Goya a Gauguin : el siglo XIX en el Museo de Bellas Artes de Bilbao [Cat. exp.]. Bilbao, Museo de Bellas Artes de Bilbao, 2008. pp. 556-558, n° cat. 126.
• Forma, signo y realidad : escultura española, 1900-1935 [Cat. exp.]. Pamplona, Funación Museo Oteiza Fundazio Museoa, 2010. pp. 23, 134.
• 110 Años 110 Obras [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 178-179, sin n° cat.
• 110 Ans 110 Oeuvres [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 178-179, sin n° cat.
• 110 Urte 110 Artelan [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 178-179, sin n° cat.
• 110 Years 110 Works [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 178-179, sin n° cat.
• Launes Villagrasa, Joan ... [et al.]. Julio Antonio, 1889-1919 : un segle després = un siglo después. Barcelona, Viena Edicions, 2018. pp. 116, 119-120.
• Eskauriaza, Mikel; Mendizabal, Asier; Jaio, Miren. Risveglio : Despertar en el Museo. [s.l.], -zko, 2020. pp. 5-7, 9, 11, 13-14,35-36, 40, il.
• Eskauriaza, Mikel; Mendizabal, Asier; Jaio, Miren. Risveglio : Museoan itzartzea. [s.l.], -zko, 2020. pp. 5-7, 9, 11, 13-14,35-36, 40, il.