Kapritxo arkitektonikoa, Moises uretatik salbatua - Bilboko Arte Ederren Museoaren

Erosi irudia

Kapritxo arkitektonikoa, Moises uretatik salbatua

Gutiérrez Cabello, Francisco

Madril. c. 1616-Madril, c. 1670

Olioa mihisean

104 x 163 cm

c. 1655-1665

95/205

1995ean eskuratua

Francisco Gutiérrez Cabello artista Madrilgo margolarien artean bereizten da, arkitektura aberatseko eszenatokiak margotzen dituelako behin eta berriro, eta mihise hau horren adierazgarri ezin hobea da. Ia-ia beti Flandesko eredu grabatuetatik datozen multzo arkitektoniko konplexu bezain aberatsak antolatzeko iaiotasun handia du, Hans Vredeman de Vriesen antzera. Horretarako, maisutasun zoragarriaz nahasten ditu forma gotikoak eta manieristak. Luxuzko eszenatoki horietan, pasarte ebanjelikoak edo biblikoak girotzen dira, eta bertan agertutako pertsonaiak txikiak bezain biziak dira. Oro har, koloreak biziak bezain distiratsuak dira; eta zeruak, urdin-urdinak.

Mihise honetan, faraoiaren alabak Moises Nilo ibaiko uretatik salbatzen dueneko pasarte biblikoa dago irudikatuta. Luxuzko arropak soinean daramatzaten pertsonaia ugariek eta faraoiaren alabari laguntzen dioten dontzeilen gorteak multzo kolorista osatzen dute. Ustez Nilo den ibaian, arraunlaridun itsasontzi dotore bezain zoragarriak daude ikusgai, eta, kaietan, zaldi zuriek gidatutako karrozak daude zain. Elementu guztiak erabat anakronikoak dira. Atzealdean, ezkerraldean ikusten den zubia Madrilgo Segovia zubiko imitazioa da. Quevedok eta antzeko olerkari garaikideek ospetsu egin zuten, eta, Quevedok zioen bezala, handiegia zen, «ibai-aprendiza» zen Manzanaresen aldean. Beharbada, iritzi haien berri izanda, margolariak zubia Nilon egoteko modukoa zela adierazi nahi izan zuen hemen. (Alfonso Emilio Pérez Sánchez)

Bibliografia hautatuta

  • Valdivieso, Enrique. "Francisco Gutiérrez, pintor de perspectivas", Boletín del Museo del Prado, n° 9. 1982. pp. 176-180.
  • Quesada, José María. "Perspectivas y Batallas de Francisco Gutiérrez y Matías de Torres", Boletín de la Real Academia de BB.AA. de San Fernando, n° 79. 1994. pp. 259-287.
  • Pinturas de cuatro siglos. Madrid, Caylus, 1997. pp. 118-123, il.
  • Zugaza, Miguel ... [et al.]. Museo de Bellas Artes de Bilbao : maestros antiguos y modernos. Bilbao, Fundación Bilbao Bizkaia Kutxa = Bilbao Bizkaia Kutxa Fundazioa, 1999. p. 119.
  • Zugaza, Miguel ... [et al.]. Maestros antiguos y modernos en las colecciones del Museo de Bellas Artes de Bilbao. Bilbao, Museo de Bellas Artes de Bilbao, 2001. p. 55.
  • La ciutat que mai no existí : arquitectures fantàstiques en l'art occidental [Cat. exp.]. Barcelona, Centre de Cultura Contemporània de Barcelona ; Diputació de Barcelona, 2003. p. 88.
  • La ciudad que nunca existió : arquitecturas fantásticas en el arte occidental [Cat. exp.]. Bilbao, Museo de Bellas Artes de Bilbao, 2004. p. 17, il.
  • Museo de Bellas Artes de Bilbao : guía. Bilbao, Bilboko Arte Ederren Museoa-Museo de Bellas Artes de Bilbao, 2006. p. 72.
  • Musée des Beaux Arts de Bilbao : guide. Bilbao, Bilboko Arte Ederren Museoa-Museo de Bellas Artes de Bilbao, 2006. p. 72.
  • Bilbao Fine Arts Museum : guide. Bilbao, Bilboko Arte Ederren Museoa-Museo de Bellas Artes de Bilbao, 2006. p. 72.
  • Museo de Bellas Artes de Bilbao : guía. Bilbao, Bilboko Arte Ederren Museoa-Museo de Bellas Artes de Bilbao, 2011. p. 72, n° cat. 50.
  • Arquitecturas pintadas : del Renacimiento al siglo XVIII [Cat. exp.]. Madrid, Museo Thyssen-Bornemisza ; Fundación Caja Madrid, 2011. pp. 213-214, 224-225.
  • Bilboko Arte Ederren Museoa : gida. Bilbao, Bilboko Arte Ederren Museoa-Museo de Bellas Artes de Bilbao, 2012. p. 72, n° cat. 50.
  • Bilbao Fine Arts Museum : guide. Bilbao, Bilboko Arte Ederren Museoa-Museo de Bellas Artes de Bilbao, 2014. p. 72.
  • Musée des Beaux Arts de Bilbao : guide. Bilbao, Bilboko Arte Ederren Museoa-Museo de Bellas Artes de Bilbao, 2014. p. 72.
  • 110 Years 110 Works [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 126-127, sin n° cat.
  • 110 Años 110 Obras [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 126-127, sin n° cat.
  • 110 Ans 110 Oeuvres [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 126-127, sin n° cat.
  • 110 Urte 110 Artelan [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 126-127, sin n° cat.