Ecce Homo - Bilboko Arte Ederren Museoaren

Erosi irudia

Ecce Homo

Mengs, Antonio Rafael

Aussig, Bohemia, Txekiar Errepublika, 12/03/1728 - Erroma, 29/06/1779

Olioa intxaurrondo-oholean

56,8 x 43,6 cm

c. 1777-1779

00/12

2000an eskuratua

"Ecce Homo" (hona hemen gizona) esan zuen Pilatosek juduen aurrean, soldaduek Kristo zigortu ondoren. Mengsek Juduen Errege izendatu berritan margotu zuen Jesus, arantza koroarekin eta errege makila gisa kanabera bat zuela. Eskuineko besagainean zigorren arrastoak ikusten dira, eta odola lehortzen hasia dela sumatzen da. Irudi honetan, artistak uko egiten dio dramatismoari, eta Kristoren egoera psikologikoan jartzen du arreta. Kristo nekatuta eta apalduta ageri da, sufrimendu handiaren zantzuekin. Irudi errukitsu gisa osatua, lan honek gupidarako deia egiten du, Jesukristo gizaki gisa erakusten baitu, estilo neoklasikoaren berezko distantzia idealizatuarekin, betiere.

Mengs zehaztasun handiko margolaria izan zen, eta asko miresten zituen XVI. mendeko italiar artistak, hala nola, Rafael eta Correggio, perfekzioaren eredutzat baitzeuzkan, bai konposizioari bai estiloari dagokienez. Haien lanak antzeratzen zituen, irudi perfektuak osatu nahian. Mengsen lanak lan biribilak dira, eta horren adibide da lan hau. Lan honetan, nabarmenak dira oihal gorria irudikatzeko aplikatu zituen lausodura finak eta pintzelkada laburrak eta estuak, eta horien bitartez, gainazal guztiz leuna lortu zuen.

Mengs gaur egun Txekiar Errepublikan dagoen Bohemiako herri batean jaio zen: Aussig izeneko herrian, hain zuzen ere. Hamasei urte zituela hasi zuen bere ibilbidea, Saxoniako erregearentzat pastel teknikaz erretratuak egiten. Gero Erromara bidaiatu zuen, eta hainbat urtez jardun zuen han Aita Santuentzat eta bezero partikularrentzat lanean. 1761ean lortu zuen bere goren maila, Espainiako Karlos III.aren gorteko margolari nagusi izendatu zutenean. Mengsek bere bizitzaren amaieran egin zuen seguru asko Ecce Homo hau, 1777an Erromara itzuli ondoren. (Xavier Bray)

Bibliografia hautatuta

  • Roettgen, Steffi. Anton Raphael Mengs, 1728-1779. München, Hirmer, 2003. pp. 624-625.
  • Old Master Pictures . London, Christie's, 15 December 2000. p. 20, lote 25. (Con el título Christ as the Man of Sorrows, y atribuido al Círculo de Carlo Dolci)
  • Zugaza, Miguel ... [et al.]. Maestros antiguos y modernos en las colecciones del Museo de Bellas Artes de Bilbao. Bilbao, Museo de Bellas Artes de Bilbao, 2001. p. 70.
  • Bray, Xavier. "Two rediscovered ”Ecce Homos” by Anton Rafael Mengs in Basque museums", The Burlington Magazine, n° 147. 2005. pp. 331-334.
  • Musée des Beaux Arts de Bilbao : guide. Bilbao, Bilboko Arte Ederren Museoa-Museo de Bellas Artes de Bilbao, 2006. p. 85.
  • Bilbao Fine Arts Museum : guide. Bilbao, Bilboko Arte Ederren Museoa-Museo de Bellas Artes de Bilbao, 2006. p. 85.
  • Museo de Bellas Artes de Bilbao : guía. Bilbao, Bilboko Arte Ederren Museoa-Museo de Bellas Artes de Bilbao, 2006. p. 85, n° cat. 59.
  • Bustreo, Federica. Musée des Beaux-Arts de Bilbao : maîtres anciens et première moitié du XX siècle. Florencia, Scala Group, 2011. pp. 74-75.
  • Bilboko Arte Ederren Museoa : gida. Bilbao, Bilboko Arte Ederren Museoa-Museo de Bellas Artes de Bilbao, 2012. p. 85, n° cat. 59.
  • Musée des Beaux Arts de Bilbao : guide. Bilbao, Bilboko Arte Ederren Museoa-Museo de Bellas Artes de Bilbao, 2014. p. 85.
  • Bilbao Fine Arts Museum : guide. Bilbao, Bilboko Arte Ederren Museoa-Museo de Bellas Artes de Bilbao, 2014. p. 85.
  • 110 Años 110 Obras [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 136-137, sin n° cat.
  • 110 Ans 110 Oeuvres [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 136-137, sin n° cat.
  • 110 Urte 110 Artelan [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 136-137, sin n° cat.
  • 110 Years 110 Works [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 136-137, sin n° cat.
  • Bilboko Museoaren alfabetoa = El alfabeto del Museo de Bilbao = The alphabet of the Bilbao Museum = L'alphabet du Musée de Bilbao [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 244-245, n° cat. 138.