Museoak egunero irekiko du udan

Bilboko Arte Ederren Museoak udako ordutegia jarriko du abian datorren asteartean, ekainak 5, irailaren 17ra arte. Asteko egun guztietan egongo da zabalik, astearteak barne (museoak egun horretan itxi ohi du), 10:00etatik 20:00etara. Denbora-tarte horretan, 110 Urte 110 Artelan erakusketa eta Lorategi amaigabea. Jeronimo Bosch dela-eta eta BELTZA eta Argia bideosorkuntzak bisitatu ahal izango dira.

Bestalde, ekainaren 4an (astelehena), antzinako eraikineko aretoen eraberritze museografikoa abiaraziko da, obrak ikusgai jartzeko baldintzak eta bisitarien esperientziak hobetzeko asmoz. Hobekuntza horien eraginez, hainbat gune itxi beharko dira:

 

• Antzinako eraikina itxita egongo da, ekainaren 4tik urriaren 5era.

• Irailaren 18tik urriaren 5era, museoa osorik itxiko da.

• Urriaren 5ean, museoak 110 urte beteko ditu sortu zenetik, eta ABC Bilboko Arte Ederren Museoaren bilduma erakusketa inauguratuko du.
Urriaren 6an, museoa berriro irekiko da.