Jarduerak

Eugenia Tenenbaum artearen historialari eta kultur dibulgatzaileak bildumako lan batzuen inguruko berrirakurketa aberasten du, generoaren eta dekolonialtasunaren ikuspegitik.

Madrilgo Errege Armategiaren saileko buruak duen aditu-ezagutzak Eugiko burdinolaren interes historiko eta artistiko handiaren berri ematen du podcast berri honetan.

Beatriz Caravaggio bideoartistak museoan ikusgai dagoen <em>Out of Control. Reports on the Atomic Bomb</em> sortu duen prozesu artistikoaren inguruan hausnartzen du, BBVA Fundazioaren enkarguz egindako filma. Bere gogoeten artean, diskurtso narratiboa nola eraikitzen duen jartzen du arreta, artxiboko materialen erabileratik abiatuta, bai eta bere proposamenak agerian uzten dituen entsegu nuklearren ondorio latzetan ere.

Atal berrian, Javier Novok, Kontserbazio eta Ikerketa koordinatzaileak, Botoa Sainte-Anne d´Aurayn museoaren funtsari gehitzeko egin duen azterketaren berri eman digu. Zenbait gai ekarri ditu gogora solasaldian: XIX. mendeko testuinguru historikoa, artearen merkatua jaiotzeko; Bouguereauk margolaritza akademizista handian izan zuen zeregina; eta artelanak, bere historian zehar, museora iritsi arte izandako gorabeherak, besteak beste.

Multiverso ekimenaren testuinguruan, Soinu Kanalaren denboraldi berriari hasiera emango diogu, Nadia Hotaitekin. Harekin mintzatuko gara bere bideo-instalazioaz, zeinak, beraren hitzetan, “dei egiten du gure historiako une oso garrantzitsu batekin eta herentzian jaso dugun kulturarekin solasean jarduteko”.

Gure Soinu Kanalaren azken podcastean, Enrique Varelak, Madrilgo Sorolla Museoko zuzendariak, artistaren ibilbidea eta estilo nahastezina aztertzen ditu, Obra gonbidatu gisa dugun Olanaren azpian, Zarauzko hondartza mihise ederrari bereziki erreparatuz.

"Corinne Vionnet, Vanessa Winship, María Azkarate. Bilbao Metropoli 30-30-30" erakusketaren ildoan, komisarioaren eta erakusketaren argazkilarietako baten arteko elkarrizketa honetan, azken hiru hamarkadetan Bilbok izan dituen aldaketak jorratzen dira, balio bereizgarritzat hartuta emakumezko hiru artistaren begirada.

"Belarri Gorrak " instalazioaren harira, Multiverso, Bideoartearen sorkuntza beken esparruan, museoak Soinu kanaleko bigarren podcasta abiarazi du: proiektuaren ardura duen artista Antoni Abaden eta Arte Moderno eta Garaikideko kontserbatzaile Miriam Alzuriren arteko elkarrizketa, aretoko erakusketa-muntaia azaltzeko, artistaren lan-ildoak hizpidera ekarriz eta museoaren testuinguruan irisgarritasunari buruzko hausnarketa-eremu bat irekiz.

Museoak bat egingo du Emakumeen Nazioarteko Egunarekin, eta aitortza egingo die zenbait emakumezko artistari, Tamara García Iglesias zinegileak zuzendutako Ikuspuntuak. Ellas ikus-entzunezko ekimenaren bidez. Proiektu horren ildotik, eta M8aren esparruan, museoak hausnarketa eta solaserako eremuak zabaltzen jarraituko du, formatu berri batez: podcasta. Lehen atal honetan, Tamara García Iglesiasek Estibaliz Sádaba eta Maider Aldasoro artistekin hitz egingo du, haien lanaz eta ibilbideez, feminismotik birpentsatuta.