Jarduerak

Pablo Picasso. Mosquetero con pipa, 1968 

2023.10.18-2024.03.10 
20. Aretoa 

Pablo Picassoren heriotzaren 50. urteurrena gogoratzen den urte honetan, museoak margolari horren etapa enigmatikoenetako batean egindako obra bat du erakusgai, Euskal Herriko Arte Garaikidearen Museoa, Artium Museoaren (Vitoria-Gasteiz) bildumatik datorrena; Euskadiko bilduma publiko batean dagoen bakarra.Honen ohorez, gainera, Banco Santanderren bildumako Picassoren beste lan bat ere izango da aretoan.  

1960ko hamarkadan, Picassok erabateko errekonozimendua jaso zuen nazioartean; sasoi hartan aniztasun handia erakutsi zuen, bai teknikari bai gaiei dagokienez. Behin eta berriro erabiltzen zituen motiboekin batera –zirkuko eszenak, esate baterako–, gai fantastikoak, erotikoak, mitologikoak edo Errenazimentuan inspiratutakoak ageri zaizkigu. Mosketariaren irudikapenak haren azken urteetako lan-sortarik garrantzitsuenetako bat bete zuen –1967an agertu zen lehen aldiz, eta 1970eraino iraun zuen–, eta, neurri handi batean, artistak Urrezko Mendeko maisu handiengana hurbiltzeko zeukan interesean du jatorria.