Iberdrola-Museoa 2024-2025 Bekak

Iberdrola Fundazioak eta Arte Ederren Bilboko Museoa Fundazioak bi beka emateko deialdira deitu dute, museoko Kontserbazio eta Zaharberritze Sailean garatzeko. Prestakuntza beka horiek xede hauek dituzte:

• Laneratzea sustatzea eta ikasleak testuinguru profesionalera hurbiltzea.
• Kontserbazio eta zaharberritzearen esparrurako prestakuntza eta esperientzia handitzea, jakintzak eta trebetasun teknikoak garatuz eta indartuz.
• Kontserbazioaren eta zaharberritzearen egungo irizpideak eta metodologiak ezagutzea eta aplikatzea.
• Ikerketarako gaitasunak sustatzea, ikuspegi zientifikotik.

Beken onuradunek honako jarduera hauek gauzatuko dituzte:

• Museoaren bilduma kontserbatzeko eta zaharberritzeko tratamenduak egitea.
• Egindako lanak dokumentatzea.
• Mailegu-proiektuetan eta aldi baterako erakusketetan parte hartzea.
• Ikerketa teknikoko lanak.

Iraupena: Programa 2024ko irailaren 1an hasiko da, eta hamar hilabeteko iraupena izango du. Beka behin bakarrik luzatu daiteke, beste hamar hilabetez.