Gau Zuria 2011

Bilboko Arte Ederren Museoa. Kolonbiako zertzeladak
20:30etik 02:00etara

Pianoa, poesia, film laburrak, silleteroak eta Llanoetako harpak.
Gau Zuriak Kolonbiako zertzeladak eskaintzen dituen programa aurkeztuko du Bilboko Arte Ederren Museoan. Ekitaldia prestatzeko, Kolonbiak Espainian duen enbaxadaren aholkularitza jaso du museoak. Museoko aretoak bisitatzen ditugun heinean, hainbat jardueraz gozatuko dugu: pianoaren fantasiazko musika, Gabriel García Márquez eta José Manuel Crespo idazleen testuek gidatutako gau literarioa, herrialdeko gaiei buruzko film laburrak, Medellingo silleteroen harrera eta Llanoetako harpen errezitaldia.
 
A) Latinoamerikako musika errezitaldia (22. aretoa)
Musika fantasia, Rodolfo Parachiniren eskutik; Kolonbiako konpositore nabarmenen maisulan sorta joko du pianoan.
B) Irakurketa antzeztua (32. arteoa)
Gabriel García Márquez Nobel saridunaren eta José Manuel Crespo poetaren testuak.
C) Film laburren emanaldia (Mogrovejo halla)
Nazioarteko jaialdietan sariak jaso dituzten Kolonbiako zuzendari garaikideen hiru film laburren aurkezpena. En Agosto (Abuztuan) (2008, gidoia eta zuzendaritza: Andrés Barrientos eta Carlos Andrés Reyes), El espejo (Ispilua) (2006, gidoia eta zuzendaritza: Lilí Cabrera eta Valerio Veneras), Equivocado (Erratuta) (2009, gidoia eta zuzendaritza: Felipe Rueda).
D) Silleteroak (Chillida plaza)
Silleteroak, antzinako lore eta barazki merkatariak, lore-artisau bihurtu dira. Eskuz egiten dituzte silletak, trebetasun handiz; sorkuntza originalak eta landuak dira, oso ikusgarriak, eta ikusgai egoten dira Medellingo urteroko desfilean.
E) Llanoetako harpak (9. arteoa)
Kolonbiako Llanoetako musika kontzertua.