Errekor historikoa

Museoak 295.655 bisitari izan ditu 2012an

Bilboko Arte Ederren Museoak bisitarien errekor berria lortu du 2012an; izan ere, 295.655 bisitari izan ditu. Modu horretan, 2011ko aurreko errekor historikoa gainditu da, urte hartan museoak 259.968 bisitari izan baitzituen, lehen aldiz.

Museoak izandako bisitari-kopuruaren hazkunde nabarmen horren arrazoi nagusia bi erakusketa bikain antolatzeko aukera izan da:

Alde batetik, Antonio López margolariari eskainitako atzera begirakoa, 2011ko urriaren 10ean inauguratu zena museoko BBK aretoan, eta Bilboko Arte Ederren Museoaren eta Madrilgo Thyssen-Bornemisza Museoaren ahalegin bateratuari esker aurkeztu ahal izan zena. Madrilgo museo horretan ere aurrekaririk gabeko arrakasta izan zuen, 317.977 bisitarirekin. Bilbori dagokionez, museora etorritako 209.531 lagunei esker, horixe izan da museoaren historiako erakusketarik bisitatuena, eta, ezohiko gertakari horren ondorioz, 2012ko urtarrilaren 29ra arte luzatu behar izan zen. Aurreko errekorra Sorolla. Espainiaren ikuspegia. Hispanic Society of America-ren bilduma erakusketak jarri zuen.

Alde bestetik, Fernando Botero. Ospakizuna erakusketak 156.646 bisitariak gainditu zituen, eta, ondorioz, museoaren historiako bigarren erakusketarik bisitatuena izan da, Antonio López erakusketaren ostean eta Sorolla. Espainiaren ikuspegia erakusketa atzetik duela.

Oraindik ere jardunean dauden eta ikusleen mirespena sorrarazten duten Antonio López eta Fernando Botero margolariei eskainitako erakusketek modu esanguratsuan handitu dute museoko bisitarien kopurua, eta, ondorioz, bisitari-kopuruen errekorrak hautsi dira 2011n (259.968) eta 2012an (295.655). Aipatutako bi erakusketak BBK Fundazioaren babesari esker egin ahal izan dira; izan ere, fundazio horrek modu egonkorrean eusten dio museoaren erakusketa-egitarau nagusiari.

Erakusketarik bisitatuenak

Antonio López
209.531 bisitari (2011/10/10–2012/01/29)

Fernando Botero. Ospakizuna
166.646 bisitari (2012/10/08–2013/01/20)   

Sorolla. Espainiaren ikuspegia. Hispanic Society of America-ren bilduma
154.009 bisitari (2008/10/13–2009/02/01)