Pierre Hippolyte Eyquemen erretratua - Bilboko Arte Ederren Museoaren

Erosi irudia

Pierre Hippolyte Eyquemen erretratua

Madrazo, Federico de

Erroma, 19/12/1815-Madril, 10/06/1894

Olioa mihisean

66 x 54,4 cm

F. de Madrazo (eskuineko behe-angulean)

1854

05/168

2005ean eskuratua

Pierre Hippolyte Eyquem Bordeleko negozio-gizona izan zen, eta XIX. mendearen erdialdeko urteetan nolabaiteko harreman profesionala izan zuen Espainiarekin. Nahiz eta 40ko hamarkadan bere negozioak gure herrialdearekiko lotura izan zutela adierazten duten datuak izan, 1853. eta 1854. urteen bitartean Madrilen egon zela ziurtatzen duten dokumentuak daude. Federico de Madrazok erretratua egin zion garai hartan, gutxi gorabehera 55 urte zituela. Bere dokumentu pertsonaletan idatzita utzi zuenez, margolariak oparitu egin zion erretratua, lagunekin edo senide gertukoenekin zituen konpromisoekin batzuetan egin ohi zuen bezala. Duela gutxi Eyquemen itxura fisikoa deskribatzen duen pasaporte bat agertu da, eta, nolabaiteko zehaztasunarekin, lan hau erretratu horrekin lotzen duen iraganeko hipotesia egiaztatu daiteke. Hain zuzen ere, deskribapen horren arabera, gaztaina-koloreko ilea, bizarra eta begiak, bekoki eta sudur zabala, kokots biribila, aurpegi obalatua eta azal beltzarana zituen, margolanak adierazten duen bezalaxe.

Eskurik gabeko busto motzean erretratatuta, argiztapen zainduak bere begirada adierazkorra nabarmentzen du. Madrazok lebita deskribatzeko erabiltzen duen modelatu zehatzak eta marrazki zorrotzek aurpegiaren pintzelkada gogor eta baliotsua azpimarratzen dute. Argi eta azkartasunez gauzatu zuenez, Federicok errepasatu egin behar izan zuen Eyquemen silueta, atzealde arrearen aurka. Hori egitea ez zen oso ohikoa maisu espainiarraren modu zainduetan, eta, beraz, opari horren konfiantzazko testuingurua azpimarratzen du. Dena dela, modalitate honetako lanetarako bere ezaugarri plastikoaren eredua da, bai eta urte horietan Madrazok erdietsitako heldutasun estilistikoaren aparteko eredua ere. (Carlos G. Navarro)

Bibliografia hautatuta

  • Zamacois, Fortuny, Meissonier [Cat. exp.]. Bilbao, Museo de Bellas Artes de Bilbao, 2006. p. 98, fig. 67.
  • De Goya a Gauguin : el siglo XIX en el Museo de Bellas Artes de Bilbao [Cat. exp.]. Salamanca, Caja Duero, 2006. pp. 70-71, n° cat. 10.
  • De Goya a Gauguin : el siglo XIX en el Museo de Bellas Artes de Bilbao [Cat. exp.]. Valencia, Consorci de Museus de la Comunitat Valenciana ; Caja Duero, 2006. pp. 70-71, n° cat. 10.
  • De Goya a Gauguin : el siglo XIX en el Museo de Bellas Artes de Bilbao [Cat. exp.]. Salamanca, Caja Duero, 2007. pp. 70-71, n° cat. 10.
  • Adquisiciones 02/07 [Cat. exp.]. Bilbao, Museo de Bellas Artes de Bilbao, 2007. pp. 24-25, n° cat. 3.
  • De Goya a Gauguin : el siglo XIX en el Museo de Bellas Artes de Bilbao [Cat. exp.]. Bilbao, Museo de Bellas Artes de Bilbao, 2008. pp. 166-168, n° cat. 20.
  • Maestros : Museo de Bellas Artes de Bilbao . Bilbao, Bilboko Arte Ederren Museoa-Museo de Bellas Artes de Bilbao, 2016. pp. 76-77, il.
  • Masters : Bilbao Fine Arts Museum. Bilbao, Bilboko Arte Ederren Museoa-Museo de Bellas Artes de Bilbao, 2016. pp. 76-77, il.
  • Maîtres : Musée des Beaux-Arts de Bilbao. Bilbao, Bilboko Arte Ederren Museoa-Museo de Bellas Artes de Bilbao, 2016. pp. 76-77, il.
  • Maisuak : Bilboko Arte Ederren Museoa. Bilbao, Bilboko Arte Ederren Museoa-Museo de Bellas Artes de Bilbao, 2016. pp. 76-77, il.
  • 110 Años 110 Obras [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 150-151, sin n° cat.
  • 110 Ans 110 Oeuvres [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 150-151, sin n° cat.
  • 110 Urte 110 Artelan [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 150-151, sin n° cat.
  • 110 Years 110 Works [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 150-151, sin n° cat.