Vierge et mondaine (Ama Birjina eta mundutarra) - Bilboko Arte Ederren Museoaren

Erosi irudia

Vierge et mondaine (Ama Birjina eta mundutarra)

Ensor, James

Ostende (Belgika), 13/04/1860 - Ostende (Belgika), 19/11/1949

Olioa mihisean

67 x 85,5 cm

Ensor (ezkerreko beheko angelua)

c. 1933

01/16

2001ean eskuratuta

Artistarentzat haren estudioa pintura elikatzeko berezko unibertsoa zenez, Ensorrek bertako haiaren, tximiniaren eta beste altzari batzuen gainean jartzen zituen natura hilak konposatzeko bjektuak, bere sorkuntzan bereizgarria zen generoa kontuan hartuta. Hirurogeita hamar urte baino gehiago zituela, pintzelkada enpastatuz eta kromatismo distiratsuaz margotu zuen mihise hau. Bertan, leihoa edo ispilua den atzealde neutro bezain argitsuan, aurrez aurre dauden emakumezko bi iruditxo nabarmentzen dira: Ama Birjina eta emakume mundutarra.

Ensor aratusteengatik ospetsua den Ostendeko itsasertzeko herrian jaio zen, eta, ia-ia, bertan bizi izan zen bere bizitza guztian zehar. Familiak bitxikerien eta oroigarrien denda zeukan, eta, bertan, maskorrak, mozorroak, pitxerrak eta portzelanak zituzten salgai. Margolariaren familia-giroak eragin handia izan zuen bere izaera bakartian -aita gizon ikasia izan arren, alkoholikoa zen, eta oso laster hil zen; horren ondorioz, emakume-ingurunea baino ez zion utzi, eta bere ama jenio handiko ohiko burgesa zen-. Pertsona eta objektu hurbilenak bere inspirazio-iturri nagusia izan ziren, eta groteskotasunaren tradizio flandestarra eta Gutiérrez Solanaren pinturan hainbesteko eragina izan zuten mozorroen inguruko interesa erantsi zien. Era berean, Holandako eskolan bezala argiaren bidez disolbatutako irudiak eta Rembrandten, Goyaren zein Turnerren pinturak sortutako miresmena nabarmentzen dira haren lanetan. Oso goiz hasi ostean, Ensorrek oso etapa oparoa bizi izan zuen XIX. mendeko azken bi hamarkadetan eta XX. mendeko lehen urteetan. Epealdi horretan, hain zuzen ere, Belgikako Les Vingt abangoardiako taldekoa izan zen, eta Darío de Regoyos margolariarekin jarri zen harremanetan. (Marta García Maruri)

Bibliografia hautatuta

  • Tricot, Xavier. James Ensor : catalogue raisonné des peintures. Paris, Le Bibliothèque des Arts, 1992. p. 569, n° cat. 613.
  • James Ensor [Cat. exp.]. Madrid ; Bilbao, Banco Bilbao Vizcaya, 1996.
  • Catálogo. Impressionist and Modern Art. London, Sotheby's, 2001. Lote n° 137.
  • Zugaza, Miguel ... [et al.]. Maestros antiguos y modernos en las colecciones del Museo de Bellas Artes de Bilbao. Bilbao, Museo de Bellas Artes de Bilbao, 2001. p. 130.
  • Bilbao a Genova : la cultura cambia le città [Cat. exp.]. Milano, Skira, 2003. pp. 114-115.
  • Museo de Bellas Artes de Bilbao : guía. Bilbao, Bilboko Arte Ederren Museoa-Museo de Bellas Artes de Bilbao, 2006. p. 126.
  • Bilbao Fine Arts Museum : guide. Bilbao, Bilboko Arte Ederren Museoa-Museo de Bellas Artes de Bilbao, 2006. p. 126.
  • Musée des Beaux Arts de Bilbao : guide. Bilbao, Bilboko Arte Ederren Museoa-Museo de Bellas Artes de Bilbao, 2006. pp. 126.
  • Museo de Bellas Artes de Bilbao : guía. Bilbao, Bilboko Arte Ederren Museoa-Museo de Bellas Artes de Bilbao, 2011. p. 126, n° cat. 86.
  • Bilboko Arte Ederren Museoa : gida. Bilbao, Bilboko Arte Ederren Museoa-Museo de Bellas Artes de Bilbao, 2012. p. 126, n° cat. 86.
  • Bilbao Fine Arts Museum : guide. Bilbao, Bilboko Arte Ederren Museoa-Museo de Bellas Artes de Bilbao, 2014. p. 126.
  • Musée des Beaux Arts de Bilbao : guide. Bilbao, Bilboko Arte Ederren Museoa-Museo de Bellas Artes de Bilbao, 2014. p. 126.
  • Maestros : Museo de Bellas Artes de Bilbao . Bilbao, Bilboko Arte Ederren Museoa-Museo de Bellas Artes de Bilbao, 2016. pp. 88-89, il.
  • Maisuak : Bilboko Arte Ederren Museoa. Bilbao, Bilboko Arte Ederren Museoa-Museo de Bellas Artes de Bilbao, 2016. pp. 88-89, il.
  • Masters : Bilbao Fine Arts Museum. Bilbao, Bilboko Arte Ederren Museoa-Museo de Bellas Artes de Bilbao, 2016. pp. 88-89, il.
  • Maîtres : Musée des Beaux-Arts de Bilbao. Bilbao, Bilboko Arte Ederren Museoa-Museo de Bellas Artes de Bilbao, 2016. pp. 88-89, il.