Artea gailurrean

2011 museoaren historiako urterik onenetakoa izan da. 259.968 bisitari, artearen inguruko erakusketaz, jardueraz, topaketaz eta esperientziaz betetako urtean. Emozio pertsonal eta kolektiboak, gizarte jantzi eta gizatiartuagoa sortzen laguntzen dutenak.

Lankidetzarako espiritu berarekin, Museoak bat egin zuen –Operaren Lagunen Bilboko Elkartearekin eta Umpro higiezin-enpresarekin batera– Alex Txikon alpinista eta aizkolari bizkaitarraren "Umpro K2" espedizioarekin. Hain zuzen ere, Txikon joan den maiatzean abiatu zen Gernikatik, mundu erdia zeharkatu eta Skardúra (Pakistan) heltzeko; han, bidaia egiteko erabili zuen furgoneta Felix Baltistan Fundazioari eman zion dohaintzan. Errepidez egin zituen 7.000 kilometroetan, gainera, herri kiroleko erakustaldiak eskaini zituen, munduko gailurretako batera igotzen hasi aurretik.

Elkartasuna, kirola eta kultura, artea ere lekurik garaienetara eramateko.