Arte Ederren Sevillako Museoak “Grekotik Zuloagara. Espainiako artearen maisulanak Arte Ederren Bilboko Museoan” erakusketa aurkeztu du

Arte Ederren Sevillako Museoak “Grekotik Zuloagara. Espainiar artearen maisulanak Arte Ederren Bilboko Museoan” erakusketa aurkeztu du gaur, prentsaurreko baten bidez. Erakusketak 26 margolan eta bi eskultura ditu, Bilboko museoak kontserbatzen dituen eskola espainiarreko lanen kalitatearen adierazgarri direnak.

Erakusketak José Luis Merino Gorospe, Arte Ederren Bilboko Museoaren Antzinako Artearen kontserbatzailea du komisario-lanetan, eta lau mendeko bidea egiten ditu. Erretratuaren eta erlijio-artearen generoak nabarmentzen ditu, natura hilaren eta paisaiaren adibide garrantzitsuekin batera.

Artisten zerrendan izen garrantzitsuak ageri dira: Alonso Sánchez Coello, Grekoa, Juan Pantoja de la Cruz, Pedro Orrente, Francisco Herrera Zaharra, Francisco de Zurbarán, Bartolomé Esteban Murillo, Juan de Arellano, Claudio Coello, Luis Meléndez, Luis Paret, Francisco de Goya, Vicente López eta Ignacio Zuloaga, besteak beste. Berritasun gisa, berriki erositako Mariano Fortunyren Sevillako zezen-plaza (c. 1870) margolana aurkeztuko da jendaurrean lehen aldiz.

Grekotik Zuloagara.
Espainiar artearen maisulanak Arte Ederren Bilboko Museoan
Arte Ederren Sevillako Museoa
2024ko abenduak 2 – 2025eko martxoak 16