BBKateak-eko Ameztoy eta Guinea txandakatzeari buruz:

Bere estiloaren helduaroan, Guineak arretaz erretratatu zuen diziplina estatikoz paratuta dagoen neska gaztea. Argi aratza eta kolore-sorta fina aukeratu zituen, eta, horren bidez, geografiaren
berdetasuna desegin zuen, narrazio gehien duten eszenetan gorri biziz kontrapuntuatuta. Iparraldeko paisaiak eta gizakia –edo haren zatiak– irudikatzeak Ameztoyren interesa ere pizten zuten. Baina hark, bikoitzen eta Gargantuen figurazio bitxian enigmatikoago, klorofila oihantsu eta ziurgabeko mundu batean sarrarazten gaitu erabat.