Jarduerak
2023/12/12
Aurrez aurre: Alfonso Gortázarekin topaketa
BBKateak. Hockney eta Gortázaren obrak testuinguruan jartzeko hitzaldia
Partaidetzazko hitzaldi honetan, Alfonso Gortázarrek bere obraren eta Hockney-ren arteko harremana argituko du. Bi-biak areto berean daude, BBKateak erakusketaren barruan.
Data:
2023-12-12
Ordua:
Bi saio: 12:00etan eta 18:00etan
Prezioa:
• Museoaren Lagunak: dohainik • Publikoa oro har: 2 €
Lekua:
Arte Ederren Bilboko Museoa. Museo Plaza, 2.
Norentzat:
Arrunta, Museoaren lagunak
Izen-ematea/ sarrerak:
Izen-emateak hemen eta museoko leihatilanIzen-emateak hemen
Plaza-kopurua:
Desberdina saio bakoitzeko
- Topaketak
BBKateak-eko Hockney-Gortázar txandakatzeari buruz:
Hockneyk denboraz kanpoko trama bat defendatzen du irudien genealogian, Casablanca filmeko fotograma bat Caravaggioren mihise batekin lotzeko gai dena. Edo koadro batek inspiratutako eta olerki batez lagundutako grabatua. Gortázarrek margogintzaren lanbideari buruzko gogoeta ere egiten du bere obran, haren eguratsetatik ihes egiten baitu ironiaz eta etxeko tresnez inguratutako babeslekuak eraikiz. Batzuetan, hodei lokal batek argitzen du konposizioa, British Pop eta bere parekoen eskutik datorren haizeak bultzatuta.
Alfonso Gortázari buruz:
Alfonso Gortázar 1955ean jaio zen, Bilbon. 70eko hamarkadan, Euskal Herriko Unibertsitateko Arte Ederretako Fakultatean ikasi zuen, eta, gaur egun, pintura eskolak ematen ditu bertan. Hasieran, Pop-Art amerikarraren eragina jaso zuen, eta joera hori adierazkortasun kromatikoarekin eta nolabaiteko inprobisazioarekin garatu zuen. 80ko hamarkadan, aldiz, erregistro artistikoa aldatu eta Figurazio Narratiboranzko urratsa eman zuen. Bere azken lanetan, irudi surrealistak eta tradizio errealistako elementuak uztartzen ditu, paleta kromatiko distiratsuko giroak erraztasunez sortzen dituelarik. Alfonso Gortázar euskal pinturaren berritzaile handienetakoa da. Berarentzat, pintura jolasa da, eta gozatzeko eta dibertitzeko balio du. Hala ere, bere lanak sorkuntza prozesuari eta gaur egungo egoerari buruzko hausnarketa ere sorrarazten du.