Ellas I: Estibaliz Sádaba Mary Cassattekin - Bilboko Arte Ederren Museoaren

Ikuspuntuak II

Ellas I: Estibaliz Sádaba Mary Cassattekin

Emakumea eserita haurra besoetan duela, c. 1890

Estibaliz Sádaren eskutik, Mary Cassatten lanetan etxe barrualdeak eta etxekotzen duten barrualdeak errepasatzen ditugu. Etxeko egitura bien gorputzetan inprimatzen da, eta protagonista femeninoek barruko gelei eusten diete.

Ordua:

Iraunkorra. Proiektu digitala

Lekua:

Webgunea

Norentzat:

Arrunta

  • Zinema eta bideoa
  • Digitalak & Multimedia

 

Ikusi hemen
Kredituak

Proiektuaren koordinazioa eta zuzendaritza: Mª Victoria Antoñanzas eta César Ochoa. Hezkuntza eta Kultur Ekintza Saila. Arte Ederren Bilboko Museoa
Zuzendaritza artistikoa eta muntaketa: Tamara García Iglesias
Muntaketa teknikoa eta kolorea: Maialen Sarasua Oliden y Olaia Nogales
Kamera: Alain García
Zuzeneko soinua: Iñigo Azkue
Azpitituluak eta transkripzioak: Paula Gómez y Júlia Gaitano Mendizabal
Artistak: Estibaliz Sádaba

Iraupena: 12′ 01”

Gonbidatuari buruz

Estíbaliz Sádaba (Bilbo, Bizkaia, 1963)

Artista eta Arte eta Ikerketa doktorea UPV/EHUko Arte Ederren Fakultatean. 1994an Erreakzioa-Reacción elkartearen sortzaileetako bat izan zen, artearen munduan emakumearekin lotura zuten proiektuak aurrera eramateko. Jardun artistikoari dagokionez –pintura, bideoa, performancea–, teoria eta aktibismo feminista bateratzen ditu, eta mintegi, argitalpen eta hitzaldietan islatzen ditu. 2007an, Arte Ederren Bilboko Museoak antolatutako Kiss Kiss Bang Bang erakusketan parte hartu zuen, Emakumeen gorputza askatzeko borroka bideoarekin.

Artelanari buruz

Emakumea eserita haurra besoetan duela

Mary Cassatt

Obra honetan, haur txiki bat agertzen da amaren edo zaintzailearen besoetan, ikusleari so; emakumea bizkarrez dago, haurraren garbiketarako prestakuntzak egiten, itxuraz. Irudiak monumentalak dira, eta, ezkerreko pitxerra eta garbiontzia izan ezik, datu askorik ematen ez duen espazio batean kokatuta daude; hala ere, etxe burges baten barnealde atsegin bat iradokitzen du besaulkiak -konposizioaren aurrealdean ikusten da haren bizkarra-.

Ikusi artelanaren fitxa >