Jarduerak

• Tailerrak

Aretoetan egingo diren bisiten bitartez, haurrek aukera izango dute artisten, bildumako obretako pertsonaien edo eraikinaren ezaugarrien inguruko bitxikeriak ezagutzeko, besteak beste. Baina ez da ohiko bisita komentatua izango: parte-hartzaileek blok bat elikatu beharko dute, zirriborro moduan, hainbat eratako oharrekin (zirrimarrak, testu laburrak, marrazkiak, izenburuak eta bestelako erreferentziak), eta gero, oharrak garbira pasatuta, norbere artista-koadernoa diseinatu eta maketatu. Tailer horren helburua sormena, irudimena eta gaitasun artistikoak sustatzea da, eta, aldi berean, aretoak ikusteko eta zeharkatzeko beste modu batzuk ikasi eta aztertzea; betiere, museoa berenganatzera deituak direla.

Jarduera hau Irudimen Artistikoaren Laborategia zeharkako proiektuaren barrukoa da; urteko zenbait unetan programatutako proiektu horrek hainbat metodologia eta dinamika esploratzeko helburua du, hala nola jolasa eta tailerrak, museoa beste esperientzia batzuetatik ezagutzeko, ohiko bisitaz harago.

[ Irudian: Alberto Corazón. Museoa udazken hasieran (1999ko zirriborro gainean), 2008 ]

 

 

Informazio-oharra: Proposamen honen izaera artistikoa dela-eta, bi deialdi proposatu dira, eskola-etapa eta adin-tarte bakoitzaren beharretara egokitzeko.